1999 -ல்  வரலாற்றில் முதல் ‘பிக் பிரதர்’ வென்றவர், அந்த ரியாலிட்டி ஷோ, வெற்றியாளரை நரம்புத் தளர்ச்சிக்கு ஆளாக்கியது,  மேலும் அவரது சொந்தப் புகழை சபித்தது.

– ஜெஃப் பெனிசியோ

தமிழில் : துரைராஜ் வசந்தன் 

***

கவுண்டவுன் தொடங்கிவிட்டது. ‘BBB22 ‘ ஜனவரி 17ஆம் தேதி திரையிடப்படுகிறது. ரியாலிட்டி ஷோவில் இரண்டு சவால்கள் இருக்கும். உடனடியாக, அதன் புதிய தொகுப்பாளரான Tadeu Schmidt -ன் பொது அங்கீகாரத்தை அடையுங்கள், மேலும் பல வாரங்களில், பார்வையாளர்கள், ஊடக இடம் மற்றும் ஜூலியட் ஃப்ரீயர் வென்ற ‘பிக் 21’ -ன் ஈடுபாடு ஆகியவற்றையெல்லாம் கடந்து வாருங்கள்

பிரேசிலிய தொலைக்காட்சியில் மிகவும் விரும்பப்படும் மற்றும் வெறுக்கப்படும் இந்த நிகழ்ச்சிக்கான வார்ம்-அப் ஆர்வத்தைத் தூண்டுகிறது: ‘பிக் பிரதர்’ பட்டத்தை வென்ற முதல் நபர் யார்? இப்போது 66 வயதாகும் டச்சு  தொலைக்காட்சி தயாரிப்பாளர் ஜான் டி மோல் ஜூனியரின் மனதில் இந்த ஈர்ப்பு 1997 இல் பிறந்தது. ஆறு பேரை ஒரு மாளிகையில் 1 வருடத்திற்கு அடைத்து வைப்பதுதான் அசல் யோசனை. இது ‘தங்கக் கூண்டு’ என்ற பட்டத்தைப் பெற்றது.

ஜான் மற்றும் அவரது படைப்பாளிகள் குழு உத்வேகத்தின் சில ஆதாரங்களைப் பயன்படுத்தினர். பயோஸ்பியர் 2 திட்டத்தில் தொடங்கி, அமெரிக்க மாநிலமான அரிசோனாவில், ஒரு குழு விஞ்ஞானிகள் பூமியின் சுற்றுச்சூழல் அமைப்பைப் பின்பற்றும் கட்டமைப்பில் தனிமைப்படுத்தப்பட்ட நிகழ்வுகள் போன்ற பல கூறுகளை ஆய்வு செய்தனர். .

மற்றொரு குறிப்பு, பிரிட்டிஷ் புகழ் பெற்ற எழுத்தாளர்  ஜார்ஜ் ஆர்வெல் எழுதிய ‘1984’ நூலின் உள்ளடக்கமும், அது முன்வைக்கும் கதைக்கருவும் இந்த நிகழ்வுக்கு பெரிதும் தூண்டுகோலாக அமைந்தது. ‘பிக் பிரதர்’, ஒரு கொடுங்கோல் தலைவன், தொடர்ச்சியான போரின் கீழ் உள்ள டிஸ்டோபியன் சமூகத்தில் எல்லாவற்றையும் பார்க்கும் மற்றும் அனைத்தையும் அறிந்தவன். மக்கள்தொகையைக் கட்டுப்படுத்த ஆக்கிரமிப்பு கண்காணிப்பு மற்றும் சமகாலத் தனியுரிமை இழப்பு ஆகியவற்றை இந்த வேலை எதிர்பார்த்தது.

அசல் ‘பிக் பிரதர்’ தயாரிப்பாளர்கள் அமெரிக்க எம்டிவியின் The Real World – லிருந்து பல்வேறு கூறுகளை மீண்டும் உருவாக்கினர். இறுதியாக, சில இளைஞர்கள் ஒரு வீட்டில் ஒன்றாக வாழும் ஏற்றத் தாழ்வுகளை வடிவமைத்தனர்.. இது ரியாலிட்டி ஷோ வடிவமைப்பின் மூலக் கருவாக கருதப்படுகிறது.

வரலாற்றில் முதல் ‘பிக் பிரதர்’ முதல் சீசன் ஹாலந்து என்றும் அழைக்கப்படும் நெதர்லாந்தில் நடந்தது. ஆம்ஸ்டர்டாமில் இருந்து 25 கிலோமீட்டர் தொலைவில் உள்ள அல்மேர் நகரில் உள்ள ஒரு தொழிற்சாலையின் தளத்தில் இதற்கென பிரத்யேகமாக ஒரு வீடு கட்டப்பட்டது.

நிகழ்ச்சி தொகுப்பாளர்  Rolf Wouters   மற்றும் மாடலிங் துறையில் செயல்படும்   Daphne Deckers   ஆகியோரின் தலைமையில் Veronica   என்ற தொலைக்காட்சி சேனலில் செப்டம்பர் 16, 1999 அன்று ஒளிபரப்பப்பட்டது. 22 முதல் 44 வயதுக்குட்பட்ட 9 நபர்கள் பங்கேற்றனர்.

பார்வையாளர்களின் பெருமளவு வருகையும், பரபரப்பான கவனமும் இந்த நிகழ்வின் பெரும் வெற்றியை உடனடியாக உணர்த்தியது . இந்த ஆரம்ப சீசனில் பல்வேறுவிதமான நிகழ்வுகளும், முரண்பாடுகள் கொண்ட போட்டியாளர்களின் செயல்பாடுகளும் பார்வையாளர்களிடம் பரப்பரப்பைத் தொற்றிக்கொள்ள வைத்தது.  ஒன்பதாவது நாளில் பங்கேற்பாளர் திரும்பப் பெறுதல், ஒரு சகோதரர் ஓரினச்சேர்க்கையாளர் என்று மற்றொருவரை ‘குற்றம்’ சுமத்துதல், கலைஞர்களின் வருகை, கத்துதல் போட்டிகள் மற்றும் வசைகள் என பார்வையாளர்கள் அதுவரை கேள்விப் பட்டிராத புதிய டாக் ஷோவாகப் பேசப்பட்டது.

106 நாட்கள் சிறைவாசத்திற்குப் பிறகு, டிசம்பர் 30 ஆம் தேதி இறுதியில்,  23 வயதான பத்திரிகை மாணவரான பார்ட் ஸ்பிரிங் இன் வெல்ட், வெற்றியாளராக பொதுமக்களால் தேர்வு செய்யப்பட்டார். அவர் போட்டியாளராக  அவருடைய சக ஊழியரான சபீன் வெண்டலுடன் நெருக்கத்தில் இருந்து வெகு தொலைவில் நடித்திருந்தாலும், போட்டியாளரால் பாலியல் ரீதியாக சவால் செய்யப்பட்டார்.

அவர் வீட்டை விட்டு வெளியேறியவுடன், பார்ட் ஒரு அசாதாரண தருணத்தை நேரலையில் நிகழ்த்தினார்: அவர் தனது நண்பரான ரூட்டை உதடுகளில் முத்தமிட்டது பெரும் சர்ச்சையானது, அந்த சீசனில் மிகவும் வயதான போட்டியாளர் வெற்றி பெற விரும்பி, வெற்றிபெற முடியாமல் போன தருணங்களை அவர் ஒரு சில தொலைகாட்சி நிகழ்வுகளில் வெளிப்படுத்தியதுவும் கவனம் பெற்றது. முதல் ‘பிக் பிரதர்’ சாம்பியன் தான் பெற்ற பரிசுத்தொகையில் ஒரு வீட்டை வாங்கினார்.

உடனடி புகழ் அந்த இளைஞனுக்கு மோசமாக இருந்தது. தனியுரிமையை இழந்ததன் விளைவாக அவர் நரம்புத் தளர்ச்சி நோய்க்கு ஆளானார். பத்திரிக்கையாளர்களையும், ரசிகர்களையும், பார்வையாளர்களையும் தவிர்க்க ஆரம்பித்தார். அரிதான பொது அறிக்கைகளில், அவர் “இந்த நிகழ்வு, பாப்புலர் கலாச்சாரத்தை மேலும் மோசமாக்கும்” என்று கண்டித்தார்.

“பிக் பிரதர்’ என்று அழைக்கப்படும் அந்த முட்டாள் அரக்கனை உருவாக்க நான் உதவியதில் எனக்கு பெருமை இல்லை. ரியாலிட்டி ஷோ, முட்டாள்தனமான உரையாடல்களுக்கு ஊக்கமளிக்கும் நிகழ்ச்சிகளுக்கு முக்கியத்துவம் கொடுத்து, டிவி ஒளிபரப்பு செய்தது”, என்று அவர் ‘தி டைம்ஸ் ‘ இதழில் பேட்டி கொடுத்தார்.  “அது என் வாழ்க்கையை இப்படியெல்லாம் மாற்றும் என்று எனக்குத் தெரிந்திருந்தால், நான் ஒருபோதும் பங்கேற்றிருக்க மாட்டேன்.”

அது,கோபமான பேச்சாக இருந்தபோதிலும், பார்ட் ஒரு நடிகராகவும் தொகுப்பாளராகவும் தொலைக்காட்சித் தொழிலையே முயற்சித்தார், வெற்றி பெறவில்லை. கடைசியாக 2017 ஆம் ஆண்டு  டிவி கேமரா முன் அவர் இருந்தபோது , ‘பிக் பிரதர்’ வெற்றி பெற்ற சிறிது நேரத்திலேயே நடிப்பு வகுப்பில் ஆசிரியர் ஒருவரால் பாலியல் துன்புறுத்தலுக்கு ஆளான நிகழ்வை” வெளிப்படுத்தினார். இப்போது 45 வயதாகும், அவர் Roelofarendsveen  என்ற சிறிய நகரத்தில் வசிக்கிறார். 

காலப்போக்கில், பிரேசிலில், ‘பிக் பிரதர்’ ஜனவரி 2002 -ல், Pedro Bial  மற்றும் Marisa Orth தொகுத்து வழங்கிய Globo வில் வந்தது.  முதல் சீசன் இறுதிப் போட்டியில் சராசரியாக 59 பார்வையாளர் புள்ளிகளைக் கொண்டிருந்தது. பின்வரும் 20 பதிப்புகளில் இந்தக் குறியீடு மீண்டும் அதிகரிக்கப்படவேயில்லை. ரியாலிட்டி ஷோவின் பதிப்புகளை 2025 ஆம் ஆண்டு வரை தயாரிப்பதற்காக தயாரிப்பு நிறுவனமான                    Endemol Shine  -னுடன் ரியோ ஒளிபரப்பு ஒப்பந்தம் செய்துள்ளது. 60க்கும் மேற்பட்ட நாடுகள் ஏற்கனவே இந்த திட்டத்தின் உள்ளூர் பதிப்புகளை உருவாக்கியுள்ளன.

நன்றி : Terra.Com.

இந்தக் கட்டுரையின் இன்னொரு பார்வை “என்னுடைய வாழ்வையே நான் தொலைத்து விட்டேன்.” படியுங்கள்